Tshetshi tshissenitamin tanen aimun ka inniuimak mak tanen aimun eka ka inniuimakak, tshipa tshi tshisseniten neme aitun apashtain : nuapamau (inniuimakan) kie ma nuapaten (eka ka inniuimakak).
Kassinu aueshishat etashiht tshika tshi ishi-uinakanuat: atiku, atimu, mush, eniku…
Anitshenat auenitshenat : napeuat, ishkueuat, auassat, tshishennuat…
Passe tshekuana miam : apuiat, ushpuakanat, anushkanat…
| Aueshishat | Ishinikashuna mak eshi-tshinuemitunanut | Ishinikatamuna |
|---|---|---|
| nuapamau shiship | nuapamau Mani-Akat | nuapamau tshishtapakun |
| nuapamau amishku | nuapamau Pienish | nuapamau asham |
| nuapamau atiku | nuapamau Pinamen | nuapamau uapimin |
| nuapamau minush | nuapamau nutaui | nuapamau teueikan |
| nuapamau atimu | nuapamau nishim | nuapamau pishimu |
| nuapamau kaku | nuapamau nishtesh | nuapamau aueshish |
| nuapamau nishk |
Eukuan uet tshi tshissenitakanit aimun ka inniuimakak. Tshipa tshi ashit apashtan kutak aitun, miam ne : peshu…
Tshetshi tshissenitamin tanen aimun eka ka inniuimakak, tshipa tshi apashtan aitun nuapaten.
- nuapaten mitshuap, nuapaten mishta-min, nuapaten tauapekaikan, nuapaten tetapuakan, nuapaten mitshishuakan, nuapaten mashinaikan, nuapaten meshkanau…
Eukuan uet tshi tshissenitakanit aimun eka ka inniumakak. Tshipa tshi ashit apashtan kutak aitun, miam ne : peta…