Tan ishpish tshe apashtakaniti neni ka mishati kapapeikushteshiti (lettres majuscules)?

A

E

I

U

H

K

M

N

P

S

T

Tshitaimunnan, apu tapishkut ishi-pimipanit miam ne mishtikushiu-aimun. Neni ka mishati kapapeikushteshiti anite meshinaitshenanuti, apu nutim ishi-pimipaniti miam anite mishtikushiu-aimunit. Mate, tshitapatetau eshinakuak tshitaimunnan.

Anite tshe ashtakaniti neni ka mishati kapapeikushteshiti

• Nete ushkat tshe tshitshipanit tipatshimuniss (phrase) miam eshinakuak anite mishtikushiu-aimunit. Mate:
  • Auass minuenitam^u tekushinit ute mashinaikanitshuapit.
  • Shashish, inanu, nete peik^u assit nanitam muk^u pipunipan.
• Anitshenat uanakanitaui auenitshenat eshinikatakaniht, utishinikashunuaua. Mate:
  • Shapatish, Pien, Mani, Uapikun…
  • Mitshetinua nitanish uitsheuakana : Maniss, Shanipiep mak Nunakim.
• Anitshenat uanakanitaui anite ka taht atanukanit. Mate:
  • Mishapush, Tshakapesh, Atshen, Anikapeu
  • Umushuma Atshena peshuku itakanu auass ka nakatakanit.
• Nete ashit e uitakanitaui assia, innu-assia. Mate:
  • Uashat, Pessamit, Utauauat, Upishtikueiat…
  • Mishta-minuenitakuan essimenanuti nete Essipit.
• Neni eishininikatakaniti mashinaikanitshuapa ka tshimateteti. Mate:
  • Kanikanitet, Centre Nin Ishkueu…
  • Eukuan minuat tshe mamuitunanut ute mashinaikanitshuapit Uauitshitun.

Anite ka aianishkushteti ishinikatamuna

• Neme ishinikatamun (nom propre) aianishkushteti (composé), nish^u ashtakanua ka mishati kapapeikushteshiti. Mate:
  • Mani-Enen, An-Pinamen, Mishta-Napeu, An-Mani…
  • Shash tshekat tshika mishikau nuitsheuakan Nush-Enen.
• Nete ashit mashinaikanitshuapa ka tshimatakaniti, nish^u ka mishati kapapeikushteshiti tshika ashtakanua. Mate:
  • Nutshimiu-Atusseun, Innu-Takuaikan, Innu-Nikamu…
  • Mitshetuat auassat tshe nikamuht Innu-Nikamu takuaki.
• Peik^u muk^u ka mishat kapapeikushtesht ashtakanu uanakanitaui anitshenat etaht atanukanit e anishkushteti ne aimun. Mate:
  • Mishta-utshekatak^u, Uteshkan-manitush…
• Mak anite assia kie ma innu-assia uatakanitaui. Mate:
  • Pakua-shipu, Unaman-shipu, Mani-utenam…
  • Mitshetuat innuat uetshipaniht Tshishe-shatshit.